ВОЛИНСЬКИЙ КОРОТКИЙ ЛІТОПИС



Начало рускых князеи рускаго княженья



B лЂто 6370 [862]. Избраша от НЂмець 3 брата c роды своими. Рюрик сЂде в НовЂгородЂ, a Синеус, брат его, на БЂлЂозерЂ, a Труворь в ИзборьскЂ. И от тых варягь прозвашася Рус, потому жь зовется Руская земля.

B лЂто 6374 [866]. Бысть в ЦариградЂ царь Михаило и мати его благовЂрная Феодора. При семь приходиша русь на Царяград, Асколд и Дирь, Рюриковых боярь, иже Киевь взяша за себе. B Рюрика же бысть сын Игорь, воевода же y Игоря Олегь, сынь же бысть y Игоря Святослав легькыи. Бысть же в Святослава два сына: Владимер А, Ярополкь.

B лЂто 6488 [980]. Нача княжити Владимер Б, и бЂ в него сынов 12: Вышеславь, Изяславь, Святополк, Ярослав, Всеволод, Святослав, Борис, ГлебЂ, Станислав, Позвид, Судислав ББ.

B лЂто 6496 [988]. Крещена бысть Руская земля княземь Владимеромь.

B лЂто 6523 [1015]. Пре\л.60.\ставися благоверныи князь Володимерь. A Святополкь Окаяньныи княживь лЂт 33, биася и з братом своим Ярославом. Ярославь княживь лЂт 40, a Володимерь Ярославличь лЂт 4. Вълодимера Ярославича сынове: Мстислав, Всеволод, Ярополкы, Вячеславь, Юрьи, АндрЂи. У Всяволода Ярославичь сынове: Володимерь Манаманах, Ростиславль, Ярополк В. У Юрья Володимеровича сынове: Ярослав, Ростислав, АндрЂи Боголюбивыи Г, Михалко, Всеволод, Святослав, Мьстиславь, Борис. Андрея Боголюбиваго Д сынове: Изяслав, Мьстиславь, ГлЂб. A Всеволода Юрьевича сынове: Къстяньтинь, Борис, Юрьи, Феодор, Ярослав, Дмитрии, Гаврил, Василии, Святослав, Володимерь, Иван. Юрья Всеволодовича сынове: Всевълод, Володимерь, Мьстислав. Ярослава Всевълодовича сынове: Феодорь, Василеи, Александрь, Андреи, Афанасии, Къстянтинь, Михаиль, Ярослав, Данило. Данила Ярославича Е сынове лосковьскаго Ж: Юрьи, Ивань, Борис, Сеонь З, АндрЂи, Александр, Афанасии. Ивана Данильевича сынове: Семен, Данило, Иван, Андреи. Семена Ивановича сынове: Василии, Костянтин И, Данило, Михаил, Иван, Семен. Ивана Ивановича сынове: Дмитрии, Ивань. Дмитрьевь сын Василеи. Васильевь сын Василеи Слепыи. Васильевь сынь Ивань Великыи, самодеръжець всея земли Руское, тесть князя великаго Александра литовъскаго. Иванов сын Ивань. За тым волоскаго дочька Стефанова. Василеи, Юрьи, Дмитреи, Семеон, Андреи. Иванов сын Дмитрии.

B лЂто 6536 [1028]. Знамение змиево явися на небеси, яко видЂти всии земли.

B лЂто 6543 [1035]. Заложи Володимерь Ярославичь святую Софию в НовЂградЂ.

B лЂто 6560 [1052]. Преставися Владимерь, сын Ярославл. Начало Печерскому манастыру от Антониа.

B лЂто 6562 [1054]. Преставися великыи князь Ярославь.

B лЂто 6563 [1055]. Нача княжити в Кие†Изяславь Ярославичь и Вячеславь в Смоленьску. При сих бысть Феодосии Печерьскыи.

B лЂто 6569 [1061]. Первое нахождение поганых половец на Рускую землю.

B лЂто 6573 [1065]. Бысть знамение на небеси. И на западнЂи К странЂ звЂзда превелика, луча кровавы, въсходЂщи c вечера по заходЂ солнечнЂмь, и пребысть за 7 днии.

И сеи же проявляшеся не на добро : по всему бо быша усобища многы, нашествие поганых на Рускую землю, сиа бо звЂзда проявлешася кровопролитие. B сия же времена бысть дЂтищь въверьжень в СЂтомль, сего же дЂтища извлекоша рыболове в нЂводЂ, его же позоровахом до вечера, и пакы въверъгоша его в воду. Бяше сии дЂтищь: на лици емусрамнии удове, a инаго нЂлзЂ сказати срама ради. Пред сим же временем солнце пременися и не бысть свЂтло, но яко и месяць, его же невЂгласи глаголать: «СиЂда ему сущю». Сиа же знамениа бывають не на добро, мы бо по сему разумеемь, яко же древле при Антиоси в ЕрусалимЂ. Внезапу ключися по всему граду за 40 днии являтися на въздусЂ, на конех ездяше в оружии, златыи иму одежда, и полкы обьявляемы и оружиемь двизающимся; се же проявляше нахождение Антиохово нашествие на Иерусалимь. По тому жъ при НеронЂ цари в том же Иерусалиме восиа звЂзда образом копиинымь над градом; се же проявлеше рати нахождение от римляно. И пакы сице бысть при УстЂянЂ цари, звЂзда въсиа на западЂ, испущающи луча, и бысть блистающи 20 днии. По сем же бысть звЂздам течение c вечера до утра и мнЂти всЂмь, яко падають звЂзды, и тако солнце безь лучь сияше; по сем крамолы человеком и умертвия быша. Пакы же при Маврикии цари се бысть: жена дЂтищь роди безь очию, безь рукы, в чреслех ему рыбеи хвость. Иное же: песь явися o шести ногах. B Африкии же два дЂтища родитися: единь o четырех ногах, a другии o дву главах. По семь же бысть при КостянтинЂ иконоборци сына Леонова течение звЂздамь на небеси отторгахуся убо на землю, яко видящим кончину сущу; тогда же и въздух възносяся повелику. B Сирии же бысть струс великь, земли разъсЂдшися треи поприщь и изыиде дивно изь земли мьска, человечкым гласом глаголащи, приповЂдающи нашествие язык, еи же и бысть: наидоша срачини на землю Палестиньскую. Знамениа бо в небеси или в земли, или в звЂздах, или в солнци и лунЂ, или етеромь чим не благо бывають; или рати, или глад, или смерть проявляють.

B лЂто 6582 [1074]. Преставися Антонии, игумен печерьскыи, благословив и знаменавь мЂсто церкви святыя Богородица. И того же лЂта преставися игумень Феодосии Печерьскыи.

B лЂто 6596 [1088]. Бысть знамение в солнци. Того же лЂта Всеволоду, ловы дЂющю звЂриныя за Вышегородомь, внезапу спаде превеликь змии от небеси, и узасошася вси людие, и земля стукну, яко мнозЂ слышаша.

B лЂто 6597 [1089] Л. Пренесоша мощи ;вятаго Николы от Мира в Баръград при цари Алексии и при пастриарсЂ М НиколЂ, и при князи ВсеволодЂ киевьскомь.

B лЂто 6598 [1090]. Освящена бысть церковь Печерьскаа при великомь князи Всеволоди Ярославичи митрополитом Иваном.

B лЂто 6599 [1091]. Принесение мощеи Феодосиа ис печеры в церков.

B лЂто 6600 [1092]. Бысть казнь на полочанЂх, чюдо предивно в Полоцьку: въины в мечтЂ, топоть коневыи чюти и копыта видити, пустно стеняше в нощ по улицам, яко во множество, a паки человеци бЂси Н рьщуще и в дни являхуся и уязвляхуся люди полоцькыи и c того умираху. И аще кто вылязяше и храмины, хотяше видЂти, иуязвени бываху невидимо и умираху, такоже и в областьих. B сия же врЂмена многа знамениа быша, и князем усобица быша рускымь, и нахождение иноплеменник, и взяша половци град Трипесочныи Переволок.

B лЂто 6602 [1094]. Приидоша прюзи на Руськую землю августа 26 и поядоша всяку траву и многа жита, и не бЂ сего слышано в днех первых в земли РустЂи, яже видеста очи наши за грЂхы наша.

B лЂто 6603 [1095]. Второе начадоша О прузи августа 22 и покрыша землю, и би видЂти страшно, идяху к полунощьным странамь, ядуще траву и проса.

B лЂто 6608 [1100]. Володимерь Монамах заложи церков святыя Богородица в СмоленьсцЂ марта 7, на средокрестие. Того же лЂта бысть знамение на небеси геньваря 29 по 3 дни: акы пожарьная заря от востока и юга и запада и сЂвера, и свЂтяше всю нощь, акы о П луны.

B лЂто 6612 [1104]. Бысть знамение: стояше солнце в кругу, a посред кресть, a посред креста солнце, a вне круга другаго обаполы д†солнци, a над солнцем кромЂ круга другаго рогама на севър, такоже знамение нЂ тим же образом.

B лЂто 6616 [1108]. Бысть знамение в Печерьском монастыри месяца февруариа 11: явися столп огненыи от земля до небеси.

B лЂто 6622 [1114]. СЂде Володимерь Монаманах на великомь княженьи на столЂ отца своего Всеволода и устрои мость чрес ДнЂпр.

B лЂто 6632 [1124]. Бысть пожарь великь в КиевЂ, яко церквеи единих изгорЂ 600, июня 23.

B лЂто 6633 [1125]. Преставися Монамонах С Владимер, княжив в Кие†лЂт 13. СЂде на княженъи его старЂиши сынь Мстислав.

B лЂто 6653 [1145]. Заложиша церковь камену святаго Бориса и ГлЂба в СмоленьсцЂ на Смядыни.

B лЂто 6662 [1154]. Ростислав Мьстиславич сЂде на княженьи великомь.

B лЂто 6663 [1155]. Иде Ростиславь к Смоленьску, a сына своего Святослава посади в НовЂгородЂ, a Давыда в Но†Торьжьку. Того же лЂта заложи князь АндрЂи в Володимери церковь святую Богородицую.

B лЂто 6673 [1165]. Преставися Ростиславь Мстиславлич. Сии Ростиславь Мстиславьлич наречень в святомь крещении Михаил, внукь Владимера Монамаха, святую Богородицю строил в СмоленьсцЂ марта 21, княживь лЂт 9 в КиевЂ.

B лЂто 6674 [1166]. Взятие киевское от Мстислава князя, от АндрЂя и из Суздаля.

B лЂто 6685 [1177]. Князи изимани быша на побоищи: Мстиславь, Ярополк. Они же их ослЂпивши отпустиша. Приидоша к Смоленьску и внидоша в церков святого мученика Бориса и Глеба на Смядыни, и ту прозрЂста сентеврия 5. И на зиму приидоша в Новьгород, и Мстислава посадиша на столЂ y себе, и брата своего Ярополка на Новом Торьгу.


B лЂто 6700 [1192]. Знамение явися велие на небеси: небо учинишася акы кроваво, и бысть в едину нощь, и потече небо все, бысть черйо, по земли же снЂг и по храмом. МнЂти же всем человеком зряще, яко уже кончина, и видитЂ, яко кров польяну по снЂгу.

B лЂто 6712 [1204]. Взяша латыня Царьград.

B лЂто 6732 [1224]. Бысть бои на Колках c татары, и убиша князя великаго Мстислава и c нимь 10 киязии Т, Александрь Поповича, и c нимь 10 богатыреи, людеи же нЂсть числа.

B лЂто 6738 [1230]. Преставися князь смоленьскыи Мстиславь Давыдович. Месяца мая 3 трясеся земля, a 14 солнце померче. [Т]ого У жь лЂта в Смоленьску сътвориша 4 скудилници, в дву 16000, a в третеи 7000, a в 4 — 9 сот. Се же зло бысть под д†лЂта.

B лЂто 6745 [1237]. Нахождение Батыя царя на Руску землю.

B лЂто 6748 [1240]. Взятие Киевьское от царя Батыя. Того Ф же лЂта побоище Ледове.

B лЂто 6776 [1268]. Раковьское побоище.

B лЂто 6835 [1327]. Щельковьщина.

B лЂто 6849 [1341]. Смольнескь погорЂль на Спасов ден. Тои жь зимы выиде из орды Товлубии, пущен царем к Смоленъску, и стоя много днии, a града не вьзя молитвами святыя Богородици.

B лЂто 6854 [1346]. Приходил князь Олгерд литовьскыи к Новугороду.

B лЂто 6856 [1348]. ОрЂховьщина.

B лЂто 6879 [1371]. Родися князю Дмитрию Ивановичю сын князь Василеи.

B лЂто 6880 [1372]. Князь Михаило тферъскыи додвел рать литовьскую втаи, князя Кестутья и АндрЂия полоцького, Дмитриа друцького да Витовта и иныи князи мнози литовьскии, и поимаша градовь рускых 5: Дьмитровь, Переяславль, Кашин, Торжокь, Любутеск. На третиелЂто приходил князь Дмитрии Ивановичь к Тфери, c нимь же мнози князи рустии.

B лЂто 6885 [1377]. Умре в Лит†князь Олгерд Гедимоновичь. Бяше же в Гедимона сыновЂ: Наримонть, Олгерд, Евнутии, Кестутии, Къриад, Люборть, Мантовит. B всеи братии своеи превзыиде Олгерд властию и саномь, и княжение держа. Имяше же Олгерд сыновь 12; от первыа жены пять, a от другыя, от тферьскои, 7 сынов Олгердовичь: АндрЂи, Дмитреи, Костинтин, Володимерь, Корибут, Феодор, Скригаило, Лугвении, Швитригаило, Ягаило, князь Семеон, князь Кербут другий. Вси же княженья и грады раздал 5; старЂишинство и княженье приказа сыну своему Ягаилу, того бо любляше.

B лЂто 6886 [1378]. Бысть бои за рекою за Пияною. Князь Дмитреи суздальскыи посла сына своего князя Ивана.

B лЂто 6888 [1380]. Побоище на Дону князю Дмитрию Ивановичю c Мамаем. Дмитриевы рати 200000.

B лЂто 6889 [1381]. Бысть мятежь в ЛитвЂ, въсташа сами на ся и убиша князя великаго Кестутья Гедиминовича и боярь его, a сынь его Витовьт бЂжа в НЂмци, и много зла сътвори Литовьскои земли, подъял бо бяше княженье под Ягаилом Кестутии. Тогда оженися Ягаило и поять за себе нЂкую королицю, того же ради досталося ему королевьство в Лядскои земли.

B лЂто 6890 [1382]. Взятие Москвы Тахтамышем. Егда же отиде безбожныи Тахтамыш, и прииде князь Дмитрии Ивановичь, и видЂ град взят и люди посечени лежаща, и повеле телеса мертвых хоронити и дасть от ста человек по рюблю от погребаниа, и съчтоша, обретеся рублев 500, а поведоша в плен нечислено. Сие же бысть за грехы наша.

B лЂто 6894 [1386]. A бишася литва с смолняны под градом под Мстиславлем, и убиша князя великаго смоленьскаго Святослава и брата его, князя Ивана, a князя Глеба изымаша. Тои же зимы приходил князь великыи Дмитрии Ивановичь ратью к Новугороду.

B лЂто 6898 [1390]. Седе на великом княженьи Василеи Дмитриевичь. Того же лЂта бысть мор в городЂ.

B лЂто 6901 [1393]. СЂде на великом княжени князь Витовт Кестутьевичь.

B лЂто 6903 [1395]. Князь Витовт литовскии взя град Смолнеск и намЂстникы своя посади, a князь Юрии Святославичь бЂжа в Рязань.

B лЂто 6907 [1399]. Бысть бои Витовту c ТЂмирь-Котлуем царем за Тахтамыша царя, и поби Темирь-Котлуи Витовта и убиша князеи 74, a воевод и боярь литвы нЂсть числа. A Витовт бЂгуся Х ять Х месяца августа 5 за 500 верст за Киевом.

B лЂто 6909 [1401]. Прияша смолняне князя своего Юрья Святославича на княжене, a намЂстника Витовтова, князя Романа, убиша брянского Кишку, бо c лхЂбом Ц ел. И приходил князь Витовт c всею силою литовьскою к Смоленьску, и стоя под городом 4 недели, и отиде от города, мир всЂ Ч по старинЂ. A смолняне c князем Юрьем боярь своих избиша, которыи превЂть дръжали к Витовьту.

B лЂто 6911 [1403]. Взяше князь Семеон Олгердовичь город Смольнескьи Вязму, a ннязя Ивана Святославича изыма, другаго князя Александра Михаиловича.

B лЂто 6912 [1404]. Приходиша князь Семеон Олгердович Щ и брат его князь Швитригаило c всею силою своею к граду Смоленску, и стоаше под городомь 3 месяци и отидоша, не вземше.

B лЂто 6913 [1405]. Витовт c Олгердовичем c Корбутом, c Лугвениемь, c Швитригаилом и c всею силою прииде к Смоленьску, a князь Юрии затворися в городЂ c всими смолняны. Витовт же весну въсю стоял, колко ся бил и пушками бивь, не може его выбити и отиде проч, a волостем много зла сътвори. Князь же Юрии съслася c княземь Василиемь c московскым и выеха и Смоленска не в мнозЂ дружинЂ, a княгиню свою и боярь оставив в градЂ и приказа ждати себе на срок на пръвыи и на другыи и на третии, a сам приеха на Москву и бил чолом князю великому Василию, прося в него помощи. Князь же Василии обЂща ему дати силу свою и удръжа его на тыя срокы, a норовя тьстю своему Витовту. Егда же бысть князь Юрии на МосквЂ, a в то время събра Витовт силу многу и став Смоленьска. Граждане же не дождаша на срокь князя Юрья и не могуще терпети в градЂ, гладом изнеможение от всякыя истомы, и град Смолнеск предаша Витовту. Се же бысть послЂднее пленение Смолнеску от Витовьта, в Петров пост месяца июня 26, в четверток. И тако Витовт взя град и все Смоленьское княженее за себе, a в Смоленъску свои наместники посади и ляхом предасть град \л.65об.\ дръжати.

B лЂто 6923 [1415]. Месяца июня 7 тма бысть в 3 час дне и приидоша до получаса, и пакы милосердыи господь свЂт нам дарова. Того же лЂта Москва и Смоленескь погоре.

B лЂто 6925 [1417] Э. Бысть мор страшень в НовЂгородЂ.

B лЂто 6936 [1428]. Приходиль Витовт к Новугороду ратю.

B лЂто 6937 [1429]. Наречень бысть на владычество к престолу святыа Софиа священноинок Еуфимии.

B лЂто 6938 [1430]. Умре князь великыи Витовт литовскыи.

B лЂто 6939 [1431]. Преставися на Моск†митрополить Фотии.

B лЂто 6941 [1433]. Приеха князь Юрии Семеновичь из Литовскои земли в Новьгород.

B лЂто 6942 [1434]. Приездил князь великыи Васильевичь в Новъгород. Того же лЂта поставлень бысть архиеписпопом в Великом НовЂгородЂ священоинок Еуфимии митрополитом Герасимомь в СмоленьсцЂ градЂ при великом князи литовском ШвитригаилЂ.

B лЂто 6948 [1440]. Убиень бысть в Лит†князь Жидимонт, и посадиша Ю на княжени в Лит†Казимира королевича Ю, Ягаилова сына. Того же лЂта выеха из Новагорода в Литву князь Юрьи. Князь же литовскыи подава ему отчину его, он же Смоленескь засяде, потом же убоявься съеха на Москву.

B лЂто 6949 [1441]. Приходил князь великыи Василии Васильевичь к Новугороду ратю.

B лЂто 6969 [1461]. Преставися преосвященныи архиепископп Великаго Новагорода кир Еуфимии месяца марта 11 день, на память иже в святых отца нашего Съфрониа, архиепископа иерусалимскаго, 4 недели поста в 9 час нощи, свЂтающи дни суботному. Пас церковь божию 24 лЂта и 5 месяць, преподобным же 5 лЂт и месяць 6, всЂх же лет 30 безь единого месяца.

B лЂто 6961 [1453]. Попущениемь божиим взять бысть Царьград царемь турьскым месяца мая 29.

B лЂто 6991 [1483], индикта 1. Попущениемь божиимь взят бысть Киевь от безбожных татар перекопских месяца сентября 1.

B лЂто 6989 [1481], индикта 14. Месяца августа 30 король польскии и литовьскии Казимир повелЂ стяти князя Михаила Олелковича a князя Ивана Юрьевича; вина их богу единому свЂдущу; при воеводЂ виленском пану Олехну Судимонтовичу a троцкому пану Мартину Кгастовьтовичу.

B лЂто 6994 [1486]. Месяца сентевриа 12, на память святаго мученика Автонома взял град Тферь и все великое княженьство Тферьское великии Я князь московскии Иван Василевичь Я, под великым князем Михаилом Борисовичом тферьскым израдою своих ему боярь, сам же прибеже в Литву c малою дружиною, a матерь его, великую княгиню Настасю, в полон взяша к МосквЂ, при владыце тферьском Васьяне. И тако скончася великое княженство Тферьское.

B лЂто 6995 [1487]. Поставиша епископом Васьяна Владимирю и Берестью Семеоном.

B лЂто 6996 [1488]. Преставися митрополить Семеон.

B лЂто 6997 [1489]. Престася А великыи князь московьскыи Иоань млад при отци своем великом князи Иване Васильевичи, оставил сына своего князя Дмитриа мала, a княгиню младу вдовою, живши c нею деветь лЂт. БЂ бо за ним дочка Стефана, воеводы волоского.

B лЂто 6999 [1491]. Приходиша татарове завольскыи на Волыньскую землю десять тысящь, много зла сътвориша y Волыньскои земли и в Лядскои. Володимери церкви божии пожгли и великую церковь Пречистое мурованую и мЂсто, a людеи по мЂстом и по селом, и по дорогам без числа посекли и в полон побрали. И събрашася волынци Б з ляхи, божиею помощию и пречисте его матере угониша их недалече от Жеславля и побиша поганых и полон отполониша, мало нечто втекло их и тыя от зимы измроша, не дошедших своих влусов. Над волынци был старостою луцким князь Семеон Юрьевичь Голшанскыи. Тогды невидимо може Бог христианом над погаци, мало нечто наших убито, ниже и десяти, a их убитых поганцовь 8000.

B лЂто 6999 [1491], индикта 9. Месяца маия и бысть знамение: в солнци д†части изьгибЂ.

B лЂто 7000 [1492], индикта 10. Месяца июня 7 день, в четверъток 7 недели посли Е Великого Ж дня, в вторыи час дня преставися Казимерь, король полскыи Якгоиловичь и великыи князь литовскыи и рускыи, справедливыи, добрыи при митрополитЂ киевьском Ионе Глезне, при епископЂ З владимерьском и берестеиском Васьане. С бо епископь Васиань обнови церковь Пречистое y Boлодимери великую му\л.67.\рованую муром, иконами и ризами и съсуды, паче ж книгамы и святостию в лЂто 7002 [1494], индикта 13, на Введение Пречистое день, c епископом луцким Ионою и c епископом холмским Семеоном.

B лЂто 7000 [1492]. Взяша на великое княженьество Литовьское Александрь королевича, Казимирова сына, месяца июля И 28, на память святых алпостоп К Прохора, при воеводе виленском Миколаи Радивиловичи a Петре Яновичи троцком.

B лЂто 7001 [1493]. Взяша молквичи Л град Вязму и князя Михаила Дмитреевича в полонь сведоша к МосквЂ, тамо и живот свои сконча в заточеньи, a князеи и боярь смоленскых изведе много на Москву з града Серпеиска и з МЂзецка, a они тамо y заставе бЂша и в нятство посади и многия грады и волости забра. ОттолЂ наччаша москвичи владЂти Вяземьскою землею, a преже того отступиша от Великаго князяженьства ЛЛ Литовъскаго к Моск†и своими городы князи Воротынскыи М и Одоевъскыи, БелЂвскыи Н, Перемысльскыи, Мезоцкии.



B лЂто 7002 [1494], сходя. Приведоша дочку великого князя московьскаго Ивана Васильевича за великого князя Александра литовскаго княжну Олену февраля 15, за неделю пред мясопусты, на память святого апостола Онисима, a ездили на докончанье з Литвы к Моск†пань Петр Янович, воевода троцкыи, и в сватех, a пан Станиславь Янович, староста жомоитьскии. A з Москвы того лЂта приездил по докончанье после их к Лит†князь Василеи Ивановичь Косыи a князь Семеонь Раполовскыи, a диакь князя великаго Куричин. Тогды ж и смоленьскых князеи и боярь выпусти з нятства и приидоша до Смоленска августа 15. A княгиню великую коли привели, тогды в старших О c нею был з Москвы князь Семеон Ряполовъскыи a Михаило Русалка, a з Литвы от князя великого Александра ездил по княжну князь Александро Юрьевичь, наместник городеньскыи, пан виленскыи, a пан Ян Юрьевичь Заберезынскыи, намЂстник полоцкыи, пан троцкии.

B лЂто 7003 [1495]. Приходиша татарове перекопьскыи, сынь царевь Мендли-Кгиреевь, y Волыньскую землю и мало не добыша града Корца, и уби их нЂколико князь Семеонь Юрьевичь, староста луцкии, маршалько Волыньскои земли, з литвою a з волынци, a прочии татарове отбегоша от Корца. Того же лЂта събрашася епископи володимерскии Васиянь, полоцкии Лука, туровьскыи Васьянь, луцкии Иона и поставиша митрополитом Макариа архимандрита, порЂклом Чорта, Киеву и всеа Руси, a до патриарха по благословение послаша старца Деонисея, a Германа диакона инока. Того же лЂта преставися епископ луцкии Иона, бЂ бо тогда мор y Литовскои земли и в Лядскои, и Волынскои, и по иным странам. Нас же господь бог избавил ради молитов пречистое его матере. Того же лЂта поставлен епископом граду Луцку Кирил архиманьдрит Макареи митрополитом.

B лЂто 7004 [1496]. Приходиша в Волыньскую землю сынове перекопского царя Мен-Кгирея c всею ордою Перекопскою, и много зла сътвориша Волыньскои земли: и церковь и монастырь святого Николы в Жидычине съжгоша, и полону безчислено взяша, a ины посекоша, и обогнаша князя Семена Юрьевича и пана Василя П Хрептовича, намЂстника володимерьскаго, и князя Костянтина Острозкаго и всЂх волынцов в градЂ Ровном. И начаша татарове не в мнозЂ приезжати к граду, наши же не видЂвше, яко множьство их, и рекоша к собЂ: «Сътворим что мужско». И выехаша противу их пред мЂсто, и бишася крЂпко c ними, и убиша от них нЂколико. И выступиша множество татарь, и видЂвь князь Семень, яко невъзможно стати противу им, и възвратися в град. И половци же мЂсто съжгоша и мало нЂчто из града окупа вземше, и c всЂм пленом възвратишася всвояси. Тои же осени прииде ис Цариграда от патриарха Нифонта посол келеинии его, старець Исафь, и митрополита киевскаго Макариа послы c ним, Деонисеи старец a Герман диакон, и принесоша листы благословеныи под великими печатьми оловяными великому князю a великои княгиР, и митрополиту, и епископом, и князем, и бояром, и всЂ С православным християном. Токмо прирече патриаршь посол епископом: «Да не поставите потомь митрополита, аще не преже от нас благословение берете, кроме великое нужда». Они же рекоша: «Мы не отмещемся древных обычаевь съборныя церкве цариградцкиа и благословениа отца нашего патриарха, ну за нужю състворихомсе, яко же и преже нас сътвориша братиа наша, епископи, при великом князи Витовте поставиша митрополитом Григория Цемивлака Т, яко же и правилех святых апостол и святых отець писано естъ: «Два или три епископи безо всякого прекословиа епископа да поставят». Посол же рече: «Добре сътвористе, яко нужда ради и закону измЂнение бываеть». Тои же осени великыи князь Александр и король полскыи Ольбрахть, брат великаго князя, снималися в Парьцеве; никто же не вЂсть чего ради снимашася, слышахом бо сами нЂ от которых вельмож их, яко и панове их рада o сем не вЂдали. Бысть же сии снем y пост пред Рожеством Христовым, на память преподобнаго отца нашего Алимпиа столпника, в 26 ноеврЂя месяца, a в 28 того ж месяца, на память преподобнаго мученика Стефана новаго исповедника, прииде y землю Волыньскую брата его жь сын, безбожнаго перекопскаго царя Меньдли-КгирЂя, Епончак солтан c множеством вои окаяних У агарян. И плениша усю Волыньскую землю У мало не до конца, и Лядскои земли немало и множество безчислено христиань плЂниша, a иных различными смертьми умориша и возвратишася восвояси.

Богу попустившю грЂх ради наших и вся съверъшися на нас черес уста Давыда пророка в псалмЂ 78: «Божие приидоша языци в достояние твое и прочаа» в конець. Не богу нас оставляющю, но нам его не възыскающим, сего ради вся прииде на ны сиа. НЂкогда бо приступиша шодеи к богу нашему Исусу Христу, глаголаще: «Яко Пилать кров и c жертвами их смеси». И рече им Исус: «Столп Силуамъскии паде и 18 муж поби, мните ли, яко сии всЂх грЂшьнЂиших? Но аще не покаетеся, вси такожде погибнете, вси бо уклонихомся от бога укупе и неключими быхом, нЂсть творяи благостыня, нЂсть до единаго. Ино аще съгрЂшихом, господи, и уклонихомся до конца на злаа, но тебе единаго бога нашего не отступихом, ни воздЂхом рук наших к богу туждему. Ты бо съвеси таиная сердець наших, яко твоего ради имени умеръшляеми есми уменихомся, яко овча заколению, но да не налягуть супостати до конца на нас и да не рекуть: «Кде есть бог вашь, на нь же уповасте. Рука наша высокая, не господь сътвори сих. Помяни, господи, поношение раб твоих им же поносиша врази твои. Господи, изменениемь Христа твоего въскресни, господи, помози нам и разгони языкы агаряньскиа, хотящая бранем и избави нас имени твоего ради и исповЂмыся тобЂ в род и род и возвЂстихом хвалу твою».

B лЂто 7005 [1497]. Месяца марта 2 день приходиша татарове и c турки y Волыньскую землю и воеваша около Кремянца и c четыриста душь плЂна воземши, возвратишяся во своя. И собрася князь Михаило Острозькии и c своими людми, и угна их за Полоным, и изби их всЂх, и плЂн весь возврати и возвратися c похвалою в отчестю свое, благодаръствЂныя пЂсни Богу воспЂвая, яко рукою его спасе плЂненныя и изби чада агаряньскиа. Того же лЂта приидоша татарове перекопьскии и поплЂниша множство плЂна y во ОлЂвъскои волости и в Мозырьскои, и вгониша их князь Михаило a князь Костянтин Острозскии c дворяны князя великого на другои недели y суботу по Велице дни y земли Брясловъскои на Сороце реце, на Кошилавских Ф селищах, a других верх Умы реки y могилы Петуховы избиша их всЂх до конца, a плЂн весь отплЂниша. Убили царевича Акманлу и влана Мамышю Биру, уланова сына, a всих их убито триста и сорок, a наших один человек и то от простых. СЂ уже второе знамя господь бог сътвори, победу дарова православным единого лЂта над безбожными агаряны. Аще обратимся к господу богу истинным сердцем и до конца съкрушит их. Сим же правовЂрным княземь даруи, господи, многолЂтное здравие и укрЂпи десницю их и грозны их сотвори супостатом нашим, да прославим тя, единого бога, и человекалюбца. Того же лЂта месяца маия y первыи день шестое недели по Велице дни, y понеделок, убили безбожныи татарове перекопьскыи преосвященнаго митрополита киевьского и всея Руси архиепископа Макария, пореклом Чорта, y селе Скриголо†на Бчичи реце, за пять миль от Мозыря. Ту его нагнаша не вЂдущю o них никомуждо, без вести увоидоша y землю и всЂх, еже c ним, побиша, a иных y плЂн побрали, и много иных волостЂи воземши и мЂст пожогши, и людеи безсчислено пленивши, възвратишася восвояси. Богу попущающю грЂх ради Х наших, съгрЂшихом бо от ног и до главы. Но уповаю на господа бога, яко сему архиерею божию сиа случися смерть к болшому его мздовозданию, a к нашому наказанию, занеже был поехал до Киева, хотя помощи церкви божьеи Софии, разоренои тыми же агаряны прежде. Ино богу тако попустившю o нем, ими ж судбами своими вестъ, судбы бо его безна многа. Сего ради ужаснемся, братие, аще святому архиерею божию тако случися, богу попустившю, a мы како избежим праведнаго гнЂва его по делом нашим. A преже скончаниа его осмья седмиць яви ему некто разлучение души от мира сего, но не како усумнеся o семь, яко человек плоть нося, но аще y суро†тако содЂлася, y cyce что будет? Но господи Ц, господи, потерпи еще на нас, не сотвори нам яко Иерусалиму, оставившим тя и не ходившим y пути твоя, но възри на нас милостивно, яко иногда на неввитяне, занеже прах не можеть стояти противу бури, тако ни мы не можемь стерпети гнЂва твоего.







Мало казни, a многомилостивно исцЂли, не можем бо долго носити гнЂва твоего, жестоко есть пити чашю пелына гнЂва твоего. Никогда бо сие случися y Рускои земли преже сего, отнеле же и прияхом крещение, яко нынЂ сотворися тому архиерею божию от поганых. Но сиа вся праведным твоим судом навел еси на ны грЂх ради наших в суд и поношение быхом грЂх ради наших. Но не предаи же нас до конца имени твоего ради, да не рекуть нам супостати наши: «Где есть бог вашь, на нь же уповаете». Можешь, владыко, елико похощешь, помози нам, яко низпадаем. Того же лЂта поиде великыи князь Александр со всими вои своими литовскими и рускими, жомоитскими и иными противку царя перекопьского и стоя в Жеславли и оттоле поиде до Брясловля, и тамо город заруби и опять възвратися во свою землю со всими вои своими, a царь не смЂ ополчитися противу его. Того же лЂта ходи король полскии Олбрахт в землю Волоскую со всими вои своими, и многа зла вои его сътвориша церквам и образом божиим, срам и писанию предати. И взя мир c волоским черес брата своего, послы короля ческого и вгорьского Владислава, и възвратися в свою землю со всими вои своими. И которою дорогою повЂле ему поити волоскии в свою землю, туда не восхотЂ поити и поиде просто до Снятина по Буковинью, и преидоша волохове и туркове на него и много от вои его убиша, a сам король в тои час бЂ боля. Того же году преставися Васьян священныи, епископь володимирьскыи.

B лЂто 7006 [1498]. Месяца маиа 30 день, индикта 1, великии князь Александр литовьскыи даде митрополью Киевьскую и всея Руси Иосифу, епископу смоленскому, c епископьею Смоленскою.

B лЂто 7008 [1500]. Месяца маиа 10 день, индикта 3, поставиша митрополита киевьского и всея Руси Иосифа, епископа смоленского. Приеха посол c Цариграда от патриярха Иоакима крестоносець Аврамие и епископ литовьскии, Лука полоцкыи, Кирил луцкии, Васьян туровскыи. Того же лЂта побра великии князь Иван Василевич московскии городы литовскии не сам, но люди свои посылаше, многыи силы, без вести, и взя грады МцЂнеск, Любутеск, Брянеск, Трубческ, Новгородок СЂверьскыи, Радогощь, Почопов, Гомеи, Стародуб, Чернигов. G тыми трема грады предасть князь Семен Ивановичь, измЂнив целование: Рылеск, Дорогобуж, Мьглин

B лЂто 6000-ное 957-е [1449], индикта 12. Месяца мая 29, на день святое мученици Феодосии царь турецки Магмет взял Царьград.

B лЂто 6000-е 991-е [1483], индикта 1. На день святаго Симеона при короли Казимире Якгеиловичи царь перекопьскыи Мин-Кгиреи Аж-Кгиреев сын, славныи великы град Киев, матере градовом добыл и жьжог, и воеводу киевъского пана Ивана Ходковича в Орду звел.

B лЂто 6999-е [1492], индикта 9. Преставися Казимир Якгеиловичь, король полскы и великии князь литовскыи, месяца июня 7 день по Възнесении ХристовЂ, в четверток, рано въсходящу солнцу в градЂ в Городне.

B лЂто 7023 году [1514], индикта 2. Месяца августа 1 великыи князь Василеи Ивановичь московскии взял славныи великыи град Смолнеск, и того дня сам в град уехал и воеводу смоленьского пана Юрья Сологубовича отпустил в Литву, a владыку смоленьского Варсонофиа звел на Москву.

B лЂто 7023 году [1515], индикта 2. Августа 1 день. Василеи Ивановичь, великыи князь московскыи, преступив докончание и крестное свое цЂлование от меншаго на блъшее зло подвигнулся, имЂа ненасытную утробу лихоимЂниа, некоторыи городы, очину и дЂдину великаго славнаго господаря Жикгимонта, короля полского и великаго князя литовского и руского, княжати пруского, жомоитского и иных почал поседати и славныи великыи град Смолнеск взял, бо нет пущаго человеку как въжделене чюжого имЂниа, и кроткаго и смирЂнаго немилостива и некротка чинить. Оныи великославныи король Жикгимонт свою правду дръжал ему непорушно и невыступно в всем, и видячи его насилование и хотячи боронити своее очины, Литовское земли, възма бога на помочь и свою правду пред собою имЂа з своими князи и паны, и храбрыми вдатными витязи своего двора кралевского напротив его дошол, помянувши слово пророчьское, што господь гръдым противится, a смиренным милость и помощь посылаеть. И пришед стал в Борисо†на великои рЂце БЂрезыни и напротив неприятЂля своего, великого князя московского, отправил и послал своего великаго воеводу и славнаго и великоумного гетмана князя Костянтина Ивановича Острозского, пана виленского, старосту луцкого и бряславльского и иных, маршалка Волынское земли, c некоторыми велможами, князи и паны-радами своими, и з своего двора вдатными и храбрыми вои литовскыми и рускыми. И в то врЂмя приехали до великого короля Жикгимонта на помоч панове лядскии и дворяне вдатныи, рицери коруны Полское и вси посполе возма бога на помоч и въоружени бывше господаря своего Жикгимонта короля наукою, смЂло дръзнуша и поидоша напротивку много множства людеи великого князя московского. Оным же в тоже врЂмя будучим на Дрюцких полях и вслышавши силу литовскую, оттоля отступиша за Днепр реку великую. Успомянем слово великого Нифонта, как пишетъ к вЂрным христианом: «Таину цареву годно таити», рекучи: рады господарьское замкнутое негодно всим повЂдати, але дЂло и храбрость мужества доброго и смЂлого человека годно всим обьявляти, абы напотом иншии тому вчили и смЂлость мЂли как же и в нынешнее врЂмя случися нам видЂти того доброго a храброго воина, пореклом стратилата князя Костянтина Ивановича Острозского, навышшего гетмана литовского. НапръвЂи божею помочю и приказанем и наукою господаря своего, великого короля Жикгимонта, слушное исправленье воиска, братское любовъное съединение ласкаве злучил и поставил. И како преиде до реки Днепра под Оршою градом каменым и виде, яко бысть не борзо преходим путь водныи, и яко богобоязнивыи муж и справца военныи, тот славныи великыи гетман князь Костянтин Ивановичь бег до церквии святои живоначалнои Троици и к святому великому чюдотворцу Христову Николе и, пад, помолися богу. И въспомяну справу и смЂлость храброго Антиоха и великого гетмана царя Александра Макидоньского, како он воиску персидскому реку Арсинарскую преити повелЂ, пръвии сквасишяся, а последнии яко по суху преидоша, так теж и он передним людем плыти повелЂ, a послЂднии вже яко по броду преидоша. И тако спЂшно на великом поли Рошском напротиву москвич въоружашися. О великыи вдатныи витязи литовскии, уподобилися есте своим мужством храбрым макидоняном, справою и наукою князя Костянтина Ивановича, втораго Антиоха, гетмана воиска македоньского. И так своего человечьства смЂлость вказал, яко храбрыи рыцерь и вЂрныи слуга своего господаря c тыми великомногоможными вои литовскыми, нащадячи сами себе на великое множство людеи неприятЂлскых сягнули и вдарили, и множство людеи воиска его поразили и смерти предали на осмъдесять тысяч, a иных живых в плЂн поимали: навышшего воеводу и гетмана воиска московского князя Михаила Ивановича Булгакова Голицу, a брата его князя Димитрия, Ивана АндрЂевича Челяднина, князя Ивана Дмитриевича Пронского, Димитриа Василевича Китаева, Даниля АндрЂевича Плещева, Ивана a Володимира СЂменовичов, князя Бориса Ромодановского, князя Ивана СЂменовича Стародубскаго, князя Петра Путяцкого, князя СЂмена Яновича и иных, их же имЂн здЂ вписати не вмЂстихом. Так своею вЂрною послугою господарю своему, великому королю Жикгимонту радость вчинил: напръвЂи церкви божьи христианьскии и многых мужеи и жон от их насилованья оборонил. ЗдЂ исполнилося слово святого отца ЕфрЂма: «Силныи изнеможе, a здоровыи разболЂлся, a радовавыися въсплакал, a дръжаи погубил». МнЂ ся грЂшному видить: ныне все то ся стало великому князю Василю московскому. Помянем слово пророка Исаия, сына Амосова, што пророчьствовал o послЂдних днех, провидев духом святым, так рече: «За умножение злобы людеи и многыи их неправды пролиется кров их, яко вода силна, хоробрыи и гръдыи от мЂчов падуть, один ратныи справедливыи погонить несправедливых 100, a от ста побЂгнета 1000 и плоть их будет на снЂдь звЂрем и птицам, и кости их на позор всякому животну».