Роздел третий

О свободах шляхты и о размноженью Великого княжства Литовскаго

1. Господар шлюбует панства его милости Великого князства Литовскаго и

панов-рад ни в чом не понижати.

Теж коли Пан Бог усхочет зичити и допустити нам панства иного также и королевства, тогды пан-ства нашего, Великого князства Литовского, и рад наших ни в чом не вменшым, але ото всякое легкости и пониженя, яко славное памети отец наш чинил в часу щасного панованья своего, стеречы будем.

2. Господар шлюбует розмножати Великое князство Литовское и што не добре разобрано ку панству привернути.

Теж добра Князства того Великого Литовского не вменшим, але што будет несправедливе отдано и неслушне разобрано и упрохано, (у) власности того Князства приведем и привести хочем.

3. Держаней и чести чужоземцом не мають давань быти.

Теж шлюбуем и обецуем: иж в землях наших того Великого князства земель и городов, мест и кото-рых колвек дедицтв и держанья, и теж которых колвек урядов-честей и достойности жодному обчому але толко прирожоным а тубыльцом тых земель наших, Великого князства ... будем давати ... в держанье и жаловане.

4. Врады старые мают захованы быти подле давнего обычаю.

Теж уставуем: ачколвек права писане дали есмо земли Великому князству Литовскому, а вшакже старых врадов воеводства Виленского и воеводства Троцкого и иншых воевод, кашталянов и канцлерства, маршалства земского и маршалства дворного, и староств, и вси врады наши ничим не вменшаем. Мает ся кождый с них у своем повете справовати и судити, и радити, и детских своих всылати и врадов своих ужива-ти подле давнемо обычая. Одно – судити мают тым писаным правом.

5. Держаня на причины заочныя не мают отиманы быти.

Теж державцы дворов наших и тивунови на причины заочне через нас не мают быти никому отни-маны. Але коли бы который з урадников, яко роспорошитель а шкодник двора нашого в нас был обвинен, обоя сторона мает перед нами очевисто стати, а выслухавши тую реч, винный подле заслуги мает каран бы-ти, але без вины держане отимати не будем.

6. Господар шлюбует вси уфалы старые держати, а новые с паны-радами прибавляти.

И теж о захованье старых привилев земских и звычаев которые в тых привилях описаны, по-твержоны и уфалены абы нових деланю або множеню, што бы ся мело причины и нашому и речы посполи-тое пожитку з ведомостью и порадою и с призволенем рад наших, Великого князсва Литовського, ради оправовати будем.

7. Вольности княжатом и панятом, шляхтам и мещаном господар его милость шлюбует в целости заховати.

Слюбуем своею персоною господарскою иж всю шляхту, княжата и паны хоруговые, и вси бояре посполите, и мещане, и их люди заховати при свободах и волностях от продков наших даных им, и теж от нас.

8. Вольности выитя из земли господарское для выученья учинков рыцерских до всяких земель, кром земель неприятельских, всим господар его милость дозволяет.

Теж узычаем: абы княжата и панове хоруговные, шляхта и бояры преречоные мели волную моц выйти с тых земель наших, Великого князства Литовского и иных, для набытя лепшого щастья свого и на-вченя учинков рыцерских до всяких земль чужих, окром неприятелей наших. А вед же так абы з добра их выходячих службы наши не были бы омешканы, але нам ... были бы чинены колько крот надобе было вод-луг уставы земское.

А ести бы сын поехал по рыцерству, а отца по себе оставил и отец бы умер, а не оставил по себе опекуна в именях, тогды господар мает уставити опекуна на тые именья хто бы земскую службу заступил и для приеханя сына або брата не тратить (служби).

9. По смерти отцов сынове и дочки отчизны отдалены быти не мают.

Теж по смерти отцов дети – сынове и девки – (від) добра отчизного и дедизного не мають быти от-далены, але добра их, щастки и волности суполным правом посядут, яко княжата (так) и панове хоруговые, шляхта и мещане Великого князства Литовского посядают и на пожитки свои оборочают.

10. Простых людей над шляхту не маем повышати.

Теж не шляхту над шляхту не маем повышати, але усю шляхту маем заховати у их почтивости.

11. О звод шляхетства.

Теж уставляем: ести бы хто кому рек иж бы не был шляхтич, тогды тот, хто выводит ся, мает поста-вити з отца и матки два шляхтича, а тые мают присягнути. А пак ли ся будет род звел, а он тубылец, тогды бояр шляхту околичних, которые бы знали его иже ест шляхтич, мает поставити. И мают тые бояре, которых он поставит, при нем присягнути иж он ест з роду шляхтич.

А пакли бы который чужоземець приежджий был чловек, тогды мает ехати до земли своее отколи ест. Там мает перед врадом вывести шляхтство свое. А ести бы валка с тое стороны была, отколе он ест, то-гды мает поставити двух чловеков шляхтичов, которое с тое стороны будут отколе он, и мают при нем при-сягнути аж ест з роду шляхтич. Тыми мает ся вывести (своє шляхетство).

12. Хто бы кому приганил а назвал его иж ест нечистго ложа сын.

Теж уставуем: коли бы хто кому приганил: “Ты еси злого ложа сын”, а того бы на него не довел, то-гды сказуем иж таковый мает того нагабаня судом очистити под тыми словы рекучы: “Што есми менил на тебе иже бы ты был злого ложа сын, менил есми яко пес”. А вшак же тым обычаем мает быти перевожоно на бенкарта ести бы отец власный был отрекся его и вызнал иж тот не его сын або у тестаменте отписал отдаля-ючи его от своего именя, або теж з невенчальною жоною мел. Тогды таковый мает быти поличон за правого бенкарта, а иным ничим не мает на него довожонобыти. А однако ж при при мачосе и отец не мает сына от именя отдалити и бенкартом вчинити, кгды при матце за сына мел.

13. Ести бы хто кому приганил о шляхетство, а за се сам запрел.

14. О бой шляхтича, хто бы его збил.

Ести бы шляхтич шляхтича збил, тогды, водле обычая прав, дванадцат рублев грошей. А коли простый хлоп або мещанин шляхтича собьет а рукою на него сягнет, а окровавит его а он бы на него правом перевел, тогды иным ничим не мает каран би только руки утяти, а вшакже мещанин, который бы не был ра-дою. А естли бы мещанин был радою а збил шляхтича, тогды также мает навязывати дванадцат рублев гро-шей, а руки не тратит.

15. Естли бы шляхтич выслужил под паном або под князем, а хотел с ним проч пойти.

Коли бы который с подданых наших на ком выслужил, на княжатах або на ком ином имене лежачое, тогды имене оное зоставивши оному пану своему або потомкам его, подлуг листов его на то ему даных, вольно будет и потомкам его отити проч куды хотя, нили тыми листы ему даными выражоно было, иж бы мог с тым именем служити кому хотя. А ести бы хто таковый лист слузе своему дати хотел, тогды мает со-звати людей добрых, сторонних, под своею печатю и под печатми и добром своим сведомом людей добрых мает дати и сам же тот пан мает або сам, або через лист свой нас просити абыхмо ему то потвердили, тако-вый лист буден держан.

А ести бы тот, который выслужил имене на пане своем, а по смерти пана своего, на которым он вы-служил, дети того пана делити ся не хотели, а тот, у тот час коли ся они будут делити, не приупоминал а ли-ста не вказывал, а тот пан будет ли ему того в нас листом нашим не подтвердил, а они ся поделят, тогды та-ковый лист моци не будет мети, иж замолчал, и спадывает тое имене за се на отчица, а тому мает служити, кому и делу достанет. А ести бы не хотел служити, тогды мает имене подати с тым всим, с чим ему дано, а самому пойти со всими его статки.

16. Хто бы не учстил листов и старост або теж державец наших, чим таковый мает каран быти.

17. Корчмы покутны мают от воевод браны быти.

Роздел четвертый

О поглавли женском

1. Ести бы хто хотел вено записати жоне своей.

Теж уставуем: ести бы хто хотел вено жоне своей записати, тогды мает ошацовати вси именя свои и на третей части, чого стоит, мает совито против внесеня записати вено жоне своей так, як бы сума не пере-носила тое третее части, чого стоит. И кгды будет тая жона его на третей части именя вено отписано от него мети, а он потом умрет, а дети по себе оставит, а тая жона потом за другого мужа пойдет, а дети усхотят ли ее с тое третее части за живота ее веновати, тогды мают ей всю суму пенязей, яко будет в листе описано, за-платити, то ж тое имене к своим рукам мети. Ести ж бы дети будут ждати смерти матки тое своее, того име-ня за живота ее з рук не всхотят викупати, тогды повинни будут толко унесене ее, которую суму пенязей внесла в дом их, по смерти ее заплатити тому, кому она отпишет. А привенку, што будет записал отец их на противку внесеня ее, совито того не повинни платити. А она теж не мает никому привенка отписовати, кром волна будет отписати внесене свое.

А ести бы тот муж детей по себе не оставил, тогды близкие в том по тому ж мают справовати. А волно теж будет мужу отписати жоне своей вси свои рухоме речи: злато и сребро, шаты и иные речы, кром зброи, а стада и челеди неволное, и быдла дворного – третюю часть, бо не ест реч рухомая, але при имене лежачое. А пак подле тое уставы нашое мают заховати вси подданые наши и на потомне часы.

Хто бы на звыш тое уставы нашое вчинил, а што неслушного жоне своей записал, таковых записов не хочем моцне мети мы сами и потомки наши великие князи.

А вшак же ести бы хто с подданых наших хотел дочку свою дати за кого и за нею мел дати которую суму пенезей, тогды первей мает смотрети ести бы того зятя его стóяла третяя часть именя совитое сумы пе-незей, на чом мел бы веновати дочку его. Пакли бы третяя часть именя его тое сумы пенязей совито не стоя-ла, тогды он, нехай, купивши за тые пенязи имене и потом дочце своей, зятю своему дал, а он дочки его ве-новати не будет на чом мети, таковый пенязи трятит.

2. О вдове, которая сидит на вдовем стольце. А будет ли венована от мужа свого, а сынове мают доросле, тогды мает осести толко на вене своем, а сынове мают припущоны ко всим именям.

Вдова, которая седит на вдовем столцы, а будет ли венована от мужа свого, а сынове мают доросле, тогды мает осести толко на вене, а сынове мают припущоны быти ко всим именям и скарбом отцовским, ко-торые мают службу земскую заступати. Пакли не венована будет от мужа свого, тогды мает во всем ровную часть от детей дорослих лет своих мети у скарбах и у именях рухомых и лежачих.

3. О пусте вдовы, которые детей не мают.

Вбачивши есмо тое иж которые вдовы пусте седят на вдовем столцы, много ся от них шкоды делает речи посполитой, а то тым – иж не бывают служоны так, як бы мели быти, и теж ближних многих именя утрачают; уставуем так, яко нижей написано. А которая вдова пустая, детей не мает, а будет ли венована от мужа свого, тогды мает толко на вене осести, а именя вси мают на ближнее спасти, А ести бы не была вено-вана от мужа свого, тогды мает на третей части седети, поки замуж пойдет. А ести замуж не пойдет, тогды мает такиж до живота на третей части седети, а на ближние все имене мает прийти, а они службу господар-скую заступати.

4. Еслти бы которая жона замужом была и дети мела, а вена оправеного от мужа не мает.

Естли бы которая жона замужом была, а вена оправеного не мела, а мела бы с ним дети, муж бы от нее умер, а она бы по мужу своем вдовою зостала, тогды мает ровную часть взяти межи детми своими у именях и в скарбах, а на оной части своей, ести бы вдовою хотела быти, мает до смерти седети, а от детей з оное части не мает рушона быти. А естли бы она хотела замуж пойти, тогды тую часть свою мает детем зо-ставити, а дети венца ей не повинни дати.

5. О мачесе, которая будет мети з двема мужи дети.

Тым жо обычаем и мачоха, естли дети мела з мужом своим, тогды мает с первыми своими детми во всем именьи так же ровную част мети и в скарбе. Пак ли бы мачоха не мела детей с тым своим мужом, то-гды мает также с первыми детми у в именьи ровную часть мети, а у скарбах детиных не мает мети або што муж ее особли з ласки дал рухомых речей, а на той части и мачоха мает з детми до живота седети, естли бы замуж не шла. Пакли бы замуж пошла, тогды тую часть мает детем заставити, а дети венца ей не повинни дати будут той, которая вена от мужа свого записаного не будет мети.

6. Естли бы жона пуста была, детей не мела, тогды мает седети на вдовем столцы до живота свого.

Теж естли бы жона пуста была, не мела детей, а ни оправы от мужа своего, тогды мает седети на имени толко на третей части, а две части именя мают быти на близких, а она мает седети на третей части до живота своего, а по животе ее и тая третяя часть именя мает прийти на близких. А пакли бы замуж пошла, тогды мает именье, на чом была, близким зоставити.

7. Жона из детми малыми по смерти мужней мает седети на вдовем столцы до лет детиных, естли ж ся будет недобре справовати, тогды близкие мают

того ее боронити правом и (etc).

Теж уставуем: естли бы который муж сходячи с того света або через тестамент полецал дети свои и именя кому колвек приятелю своему, хотя бы обчому, хотя бы опека на кого слушным правом прирожоным не прислушала, тогды оный мает в опеце мети именье и дети его, а жона мает только на вене своем седети. Пакли бы который отмер детей не полецавшы никому, тогды жона дети мает ховати и на всем именьи седе-ти на вдовем столцы до лет детиных. А естли бы дети узросли, тогды мает ровную част взяти межи детей своих, а естли б одного сына мела, тогды мает сыну две части имене поступити, а сама мает зостати на тре-тей части. А ести бы жона маючи дети у опеце своей, а пошла замуж, тогды стрыеве або ближние мають опекати ся детми и именьем, бо уже коли жона замуж пойдет не мает иными опекати ся, а ближние не мают ее стискати з именя венованого, али ж дети доростут лет своих, тогды дети мают у ее скупати, ести бы за-муж пошла.

Ести бы которая жона седечы на вдовем столцы з детми своими, хотя бы венована або невенована, а замуж не хотела пойти, а седечи вдовою именя и скарбы втратила, люди розогнала, серебщизны и вины на себе брала, а тые бы именя пустошила, тогды мают стрыеве, а не быдет ли их, ино близкие позвати ее на ро-ки зложоные перед господара або перед панов-рад, и таковые утраты мают на нее доводити. И ести того до-ведут, тогды мает господар або панове дети и имене в нее з рук выняти и подати у-в опеку стрыем або близ-ким для ее выступу, а она, естли будет венована, мает зостати толко на вене своем, а естли бы ей вена не бы-ло, тогды мают ей ровную часть межи детми выделити, и мает мешкати на той делницы до живота своего, а по животе ее и тая часть мает на дети прийти. А ести бы стрыев або ближних оных детей не было, тогды гос-подар або панове мают кого обчого доброго чловека к тым именьям у-в опеку уставити, который бы ее и вси именя, и дети в опеце мел и не допускал именей и скарбу тратити, поки дети ее лета свои будут мети.

8. О выправене девок замуж за живота отцовского.

Теж уставуем: иж который отец або матка умрет, а дочку свою при своем животе замуж выдаст, а иншие по собе зоставит, што будет выправы за первою дочкою дали, толко ж мают дати и другим девкам. А хоть бы не выдали девки при своем животе, леч бы выправу записали, тогды мают так выданы быти, як отец або матка записали. А естли бы выправы не дали а ни теж умираючы записали, тогды то про то мают суди все именье на суме ошацовати и за то станет четвертая часть, хотя много сынов, а одна дочка, тогды мает да-ти тое выправы, чого четвертая часть именя стоит, а хотя теж один сын, а много сестр, тогды теж на вси сес-тры четвертая часть шацунку розделити и кождой выправу ровную с тое четвертое части мает дати.

9. Отец мает от зятя наперед оправити вена ниж дочку свою замуж даст.

Теж уставуем: естли бы хто дочку свою выдал замуж, тогды мает ей первей вена оправити. А естли бы хто дочку свою выдал, а вена ей не оправил, тогды тая девка не мает венца мети.

10. О девки, которые будут выданы до чужое земли.

Теж уставуем: естли бы которая девка с панства нашого, Великого князства Литовского, пошла до чужое земли: до Полщы або до Мазовш, або до которое колвек земли, маючы именя отчизные и матерыстые в панстве нашом, Великом князстве Литовском, тогды тая девка с тым мужом своим чужоземцом не мает де-дичити в тых именях своих. Тые именя ее отчизные и материстые мают прити на стрыев рожоных, а не бу-дет ли стрыев, ино на близких ее, а они не повинни ей будут посагу дати, яко в тых правех описано девком з именей и четвертое части давати¹.

8. О девки, которые без воли отцовское або матчиное засядут замуж своволне.

Теж уставуем: естли бы девка без воли отцовское або матчиное засела засела замуж, таковая отпа-дывает от посагу отчизного и материстого, и именя материстого. А естли бы одна у отца была, тогды от-чизна на близких спадает.

8. О девки, которые по смерти отцовской и матчиной, недоросши лет своих,

замуж пошли.

Естли бы девка зостала без отца и матки и еще не маючы лет своих дорослих, а пошла без воли стрыев або брати своее замуж, тогды таковая отпадывает от именя всего. А естли бы она мела лета свои, а братя або стрыи задержали а не хотели бы ее замуж выдати, тогды однако своеволне не мает ни за кого ити, леч мает ся до инших кровних своих або до враду. А врад або кровне мають дозволити замуж пойти, а она з волею враду або ближних своих замуж пойдет, тогды таковая именя не мает тратити, а без воли враду або близких, хотя бы лета мела, замуж пойдет, тогды имене тратит.

13. О спадок именя отчизного и материстого.

Теж уставуем: иж коли бы было неколко братьи и сестер рожоных дельных або неделных, а в том, который брат умер, тогды его дельница именя отчизного только на братью приходит. А естли бы имене при-шло которым колвек спадком материстое, тогды сестра промежи брати ровную делницу того именя мает ме-ти, а отчизного выправа.

14. Хто бы отца або матку вдарил чим, мает от отца каран быти.

Теж уставуем: естли бы сын отца вдарил або зсоромил, або которые втиски и пренагабанья ему учи-нил, тогды отец может от таковых сынов всю его отчизну отдалити.А естли бы отец сына от отчизны отда-лил, а иншых сынов у себе не мел, тогды именья две части мают прийти на ближних, а третюю часть может где хотя там обернути. А и матки под тым же обычаем: естли бы сын або девка матку зсоромили, тогды так же матка может отдалити от своее части материстого. А вшакже тестаментом не мает отец а ни матка сына, дочки от отчизны отдалити, леч, пришодшы перед господарем або перед урадником, поведети и дати на него слушное причины, тож мает за его викуп злый записом от именя отдалити.

15. Хто бы мел дети з двема або с трема жонами.

Теж уставуем: хто бы мел с первою жоною дети, а потом кгды жона умреть и он пойметь другую также дети мети буде, тогды дети, яко первое жоны, так и другое, и трете, и четвертое, и колько их мети бу-дет, ровную часть во всих именях его, яко у отчине, так у выслузе, и в купле мети будут.

16. Естли бы которая вдова замуж пошла².

Теж уставуем: ести бы которая вдова замуж пошла, а первей будучи за первым мужом своим вена оправеного от мужа свого мела, тогды вжо от другого мужа не мает вена записаного мети, нижли естли бы тот другий муж ее умер, а детей по собе оставил, тогды она мает межи детми ревную часть узяти и на ней до живота мешкали. И ести ж детей не будет мети, тогды от ближних мает зостати на вдовем столцы на третей части, а по животе ее и тая часть мает на близких прийти.

16. Естли которая вдова по смерти мужа свого зостанет без детей не повинна отказовати в суду до году жадних речей.

16. Княгинь, паней, вдов, девок не мают ни за кого ґвалтом давати.

Теж обецуем и приказуем з ласки и щедрости нашое господарское: иж маем мы сами и потомки на-ши княгинь и паней, и вдов, и княжен, и панен, и девок заховати при волностях их, а ґвалтом ни за кого не маем давати без их воли, нижли кождой з них с порадою приятелей их, за кого хотя, за того волно пойти.