Богдан Хмельницький, гетман з Войськом єго царского величества Запорозким.

 

Всім вобец і кожному з особна, кому о том ведати належит, вселякого стану і кондициї людем, кому тулко сеє наше показано будет писанье, до ведомости доносим, іж ми, посилаючи Войска наши Запорожскиє, жеби се злучили з войсками князя его милости, семиградского і там шли, где оним указано, теди упевняєм ласкою нашою, те хто колвек горнутисе, маєть до Войска Запорозского, аби найменшое кривди не міли ні од кого і назначений висланий наместник наш того постерегати маєт, жеби никому утяженья не було, хто при ласце нашой і Войску Запорожском зостават будет; спротивных теж і Войску Запорозскому незичливых и неприхилних розсказа лисмо громить, его іначей не маєт бить над росказанье наше.